Cydraddoldeb, Amrywiaeth a Chynhwysiant (EDI) yn yr Ymddiriedolaethau Natur
Mae’r Ymddiriedolaethau Natur yn credu y dylai pawb gael y cyfle i brofi llawenydd bywyd gwyllt yn eu bywydau bob dydd, a dyma pam rydyn ni wedi ymrwymo i roi cydraddoldeb, amrywiaeth a chynhwysiant wrth galon ein mudiad ni.
Mae gwaith i'w wneud o hyd i wella amrywiaeth yn yr Ymddiriedolaethau Natur
Rydyn ni’n gwybod bod gennym ni, fel sefydliadau eraill, siwrnai bell i fynd eto. Mae pob un o’r 46 o Ymddiriedolaethau Natur wedi mabwysiadu fframwaith o’r enw Gwyllt Am Gynhwysiant sy’n canolbwyntio ar ysbrydoli, grymuso ac ymgysylltu â phobl o bob cefndir, diwylliant, hunaniaeth, a gallu i chwarae eu rhan mewn adferiad byd natur a gweithredu ar yr hinsawdd.
Dyma fanteision dull gweithredu Gwyllt Am Gynhwysiant:
- Mwy o bobl yn gweithredu dros fyd natur: mae gan bobl o bob rhan o gymdeithas fynediad gwell at fyd natur a mwy o gyfleoedd i chwarae rhan yn adferiad byd natur.
- Gwell perfformiad sefydliadol: mae sefydliadau amrywiol a chynhwysol wedi cynyddu creadigrwydd, arloesedd a boddhad cyflogeion.
- Mwy o gefnogaeth gan gymunedau: mae bod yn gynhwysol ac yn berthnasol i gymunedau amrywiol yn denu cefnogaeth gan ystod ehangach o bobl.
- Staff yn hapusach ac yn iachach: mae amgylchedd gwaith cynhwysol yn golygu bod gan bawb gyfle cyfartal i ddatblygu, gwneud cynnydd a chael eu cydnabod yn y gwaith.
Beth mae'r Ymddiriedolaethau Natur yn ei wneud i symud ymlaen?
Mae'r Ymddiriedolaethau Natur yn cynnal amrywiaeth o wahanol brosiectau a mentrau hyfforddi i ddatblygu cydraddoldeb, amrywiaeth a chynhwysiant (EDI) ymhlith rhwydweithiau staff - grwpiau o gyflogeion sy'n dod at ei gilydd yn rheolaidd i rannu profiadau a chefnogi ei gilydd. Mae hyn yn cynnwys:
- Allan ar gyfer Natur ar gyfer staff LGBTQ+
- Natur i Bawb ar gyfer staff ag anableddau
- Natur ar y Meddwl ar gyfer staff sydd â phryderon iechyd meddwl
- Natur Y Genhedlaeth Nesaf ar gyfer pobl ifanc
- Lliwiau Natur i bobl o liw
- Merched mewn Natur
Cafodd y rhwydweithiau hyn eu creu ar ôl gofyn i staff ar draws ffederasiwn yr Ymddiriedolaethau Natur pa fath o grwpiau rhwydwaith yr hoffent eu cael. Mae’r rhwydweithiau’n bodoli fel lle i bobl sydd â nodweddion tebyg rwydweithio, rhannu eu profiadau, a chefnogi ei gilydd.
Helpwch ni i wella
Rydyn ni eisiau gwella ein dealltwriaeth o sut gall yr Ymddiriedolaethau Natur fod yn fwy cynhwysol a hygyrch, ac rydyn ni’n awyddus iawn i weithio gyda sefydliadau sy’n anelu at wella mynediad at natur i grwpiau amrywiol neu sy’n awyddus i wella cydraddoldeb, amrywiaeth a chynhwysiant (EDI) yn y sector cadwraeth. Cysylltwch â ni drwy e-bostio wildaboutinclusion@wildlifetrusts.org.
Adroddiad Amrywiaeth 2023
Mae’r adroddiad hwn yn rhoi trosolwg o’n cydraddoldeb, amrywiaeth a chynhwysiant (EDI) dros y tair blynedd diwethaf, gan gynnwys ystadegau allweddol ac uchafbwyntiau. Rydyn ni’n rhoi cydraddoldeb, amrywiaeth a chynhwysiant wrth galon yr Ymddiriedolaethau Natur. Rydyn ni eisiau sicrhau bod pawb yn gallu profi llawenydd bywyd gwyllt yn eu bywydau bob dydd.
London Wildlife Trust
Ein Siwrnai at Fwy o Amrywiaeth Ethnig
Mae'r Ymddiriedolaethau Natur yn gwneud newidiadau i'n harferion er mwyn cynyddu amrywiaeth ethnig ein staff a'n gwirfoddolwyr.
Darllenwch ein Datganiad Cydraddoldeb 2022
Dros y pum mlynedd nesaf, bydd yr Ymddiriedolaethau Natur yn:
Gweithio i ddeall amrywiaeth presennol y sefydliad, gan nodi meysydd o dangynrychiolaeth, a chymryd agwedd ragweithiol tuag at sicrhau bod yr Ymddiriedolaethau Natur yn sefydliad amrywiol gyda chynrychiolaeth o grwpiau lleiafrifol. Byddwn yn gweithio gyda rhwydweithiau mewnol ac allanol i fynd i'r afael â phob maes o dangynrychiolaeth ac i fabwysiadu arfer gorau. Byddwn yn weithredol wrth-hiliol a bydd gennym gyfres o ddeunyddiau hyfforddi i ymddiriedolwyr a staff i ymgorffori EDI ar draws y sefydliad a sicrhau bod pob person yn gwybod beth yw eu cyfrifoldeb.
Bydd yr Ymddiriedolaethau Natur hefyd yn gweithio tuag at sicrhau’r canlynol:
- Bod gennym arweinyddiaeth amrywiol a chynhwysol - bydd ein mudiad yn cael ei arwain gan arweinwyr amrywiol, cynhwysol ac effeithiol sy'n croesawu'r her o gynyddu ein hamrywiaeth ac yn cydnabod y cyfraniad y mae amrywiaeth yn ei wneud i'n mudiad ac i fywyd gwyllt.
- Rydym yn cynyddu ein hamrywiaeth – byddwn yn dod yn fwy perthnasol i fwy o bobl drwy sicrhau bod ein staff a'n hymddiriedolwyr yn adlewyrchu amrywiaeth y cymunedau rydyn ni’n byw ac yn gweithio ynddyn nhw, drwy gynyddu cyfleoedd a lleihau rhwystrau i grwpiau sydd ar y cyrion ac yn cael eu tanwasanaethu.
- Rydym yn meithrin mudiad cynhwysol – byddwn yn meithrin diwylliant lle mae ein staff a'n hymddiriedolwyr yn Wyllt Am Gynhwysiant, lle mae gwahaniaeth yn cael ei ddathlu, lle gall pawb fod yn nhw eu hunain, teimlo eu bod yn cael eu parchu ac yn gallu cyfrannu at eu llawn botensial.
- Rydym yn cyfathrebu'n gynhwysol – bydd y ffyrdd rydym yn cysylltu â'n staff a'n cymunedau yn fwriadol gynhwysol ac yn meithrin ymdeimlad o berthyn. Byddwn yn dangos undod gyda phobl o wahanol gefndiroedd, galluoedd a hunaniaeth, ac yn sicrhau eu bod yn cael eu grymuso i newid byd natur er gwell.
- Rydym yn darparu mynediad ac ymgysylltu i bawb - Byddwn yn cynyddu ein hymgysylltu â chymunedau amrywiol, er mwyn deall yn well a goresgyn y rhwystrau i fynediad at ac ymgysylltu â byd natur, ac i sicrhau y gall pawb elwa o lawenydd bywyd gwyllt yn eu bywydau bob dydd.
The Wildlife Trusts
Swyddi a Gyrfaoedd
Mae'r Ymddiriedolaethau Natur yn gwerthfawrogi angerdd, parch, ymddiriedaeth, integriti, ymgyrchu pragmatig a chryfder mewn amrywiaeth. Er ein bod yn frwd dros hyrwyddo ein hamcanion, nid ydym yn feirniadol ac rydym yn gynhwysol. Rydyn ni eisiau i bobl fod mor amrywiol â byd natur, felly rydyn ni’n annog yn arbennig geisiadau gan bobl sy’n cael eu tangynrychioli yn ein sector, gan gynnwys pobl o gefndiroedd lleiafrifol a phobl ag anableddau. Rydyn ni wedi ymrwymo i greu mudiad sy'n cydnabod ac yn gwerthfawrogi gwahaniaethau a hunaniaethau unigol.