Sut i wneud sylwadau ar ddatblygiadau cynllunio
Tai, pobl a byd natur
Rydyn ni’n credu y gall pobl, tai a byd natur fodoli gyda’i gilydd i gyd. Ond pan fydd tai newydd yn cael eu cynllunio, rydyn ni’n annog datblygwyr, adeiladwyr, cynghorau a phobl leol i gydweithio. Os oes datblygiad tai wedi'i gynllunio ar gyfer eich ardal chi, gallwn eich helpu i roi sylwadau arno.
Beth yw Cynllun Lleol?
Mae Cynllun Lleol yn cael ei ysgrifennu gan lywodraeth leol yng Nghymru a Lloegr i nodi beth maent eisiau ei wneud yn yr ardal a gallwch ddarllen am hynny ar-lein yma. Mae mwy o wybodaeth am lywodraeth leol ar gael yma ar ein tudalen Popeth Am Awdurdodau Lleol. Yn yr Alban, maen nhw’n cael eu galw yn Gynlluniau Datblygu a gallwch ddarllen amdanyn nhw yma. Ac yng Ngogledd Iwerddon, yr 11 cyngor sy'n gyfrifol am Gynllunio Datblygu Lleol; gwybodaeth ar-lein yma.
Mae canllaw Saesneg clir i’r system gynllunio yma, wedi’i gynhyrchu gan Lywodraeth y DU.
Gallwch chi ddweud eich dweud!
Mae gan gynghorau dasg anodd wrth gydbwyso anghenion pobl am dai da, a sicrhau nad yw’r ardal leol yn cael ei niweidio. Mewn gwirionedd, os caiff ei gynllunio'n iawn, gall datblygiad tai da yn y lle iawn fod yn gyfle i wella byd natur a bywyd gwyllt yr ardal. Ond i wneud hyn, mae angen i bobl leol sicrhau bod eu lleisiau'n cael eu clywed.
Mae llawer o gyngor gwych ar gael. Rydyn ni’n argymell yn fawr yr wybodaeth sydd ar gael drwy wefan Ymddiriedolaeth Natur Gwlad yr Haf yma lle mae ganddynt lawer o adnoddau gwych ar eu Tudalennau Team Wilder yma. Mae eu rhestr lawn o adnoddau Team Wilder ar-lein yma. Ac am gyngor manwl, ewch i'r dudalen yma gan Ymddiriedolaeth Natur Gwlad yr Haf i ddarllen am Sut i Wneud Sylwadau ar Geisiadau Cynllunio. Mae ganddyn nhw hefyd ragor o wybodaeth am Gynlluniau Cymdogaeth ar-lein yma. Er sylwer mai dim ond ar gyfer Gwlad yr Haf y mae rhywfaint o'r wybodaeth.
Am adnodd arall, darllenwch ddogfen Ymddiriedolaeth Natur Swydd Efrog am Flaengynllunio ar-lein yma.
Gyda'n gilydd, rydyn ni’n gryfach
Os ydych chi'n poeni am ddatblygiad arfaethedig yn eich ardal, does dim rhaid i chi frwydro yn ei erbyn ar eich pen eich hun. Siaradwch â'ch cymdogion a chadwch lygad am grwpiau lleol. Gallwch ddod o hyd i'r rhain ar-lein, a hefyd ar fyrddau negeseuon lleol mewn mannau cyhoeddus. Er y gall meddwl am siarad mewn cyfarfod cynllunio godi ofn arnoch chi, cofiwch mai dim ond bodau dynol arferol sydd yno, yn union fel chi. Efallai y bydd ein hadnodd ni am Siarad â Hyder yma o help i chi.
The Wildlife Trusts
Have you been part of a community nature project?
We'd love to hear from you! Your experiences will be shared right here on the Community Hub and will inspire others to take action in their own neighbourhoods.
CC by 4.0 attribution
Except where noted and excluding images, company and organisation logos, this work is shared under a Creative Commons Attribution 4.0 (CC BY 4.0) Licence.
Please attribute as: “Nextdoor Nature (2022-2024) by The Wildlife Trusts funded by The National Lottery Heritage Fund, licensed under CC BY 40”
