Grwpiau ffydd a chyllid y loteri
Chyllid y Loteri a ffydd
Mae sawl ffydd yn y DU ac mae ganddynt safbwyntiau amrywiol am hapchwarae a defnyddio elw hapchwar.
mae’n bwysig nodi nad yw Cronfa Gymunedol y Loteri Genedlaethol a Chronfa Dreftadaeth y Loteri Genedlaethol yn gweithredu’r Loteri Genedlaethol ei hun. Mae’r gwahanu hwn yn golygu bod rhai grwpiau ffydd yn gallu derbyn cyllid gan Gronfa Dreftadaeth y Loteri Genedlaethol hyd yn oed os ydynt yn gwrthwynebu hapchwarae.
Cyflwynir crynodeb isod ond cofiwch y bydd grwpiau, cymunedau a chynulleidfaoedd unigol yn cael eu harwain gan egwyddorion amrywiol ac efallai y bydd ganddynt farn wahanol. Anogir sgwrs – siaradwch â phobl a gwrandewch ar eu pryderon – ond cofiwch nad ydym yma i berswadio neb.
Islam
Bydd llawer o grwpiau Mwslimaidd yn gwrthod cyllid gan y Loteri Genedlaethol. Fodd bynnag, nid yw hwn yn waharddiad cyffredinol, ac mae lle i drafod. Efallai yr hoffai grŵp ymgynghori â'u Iman lleol. Dyma rywfaint o’r drafodaeth ymhlith ysgolheigion:
"Mae dosbarthwyr y Loteri yn gweithredu ar ran adrannau'r llywodraeth ac unwaith y derbynnir yr arian gan y dosbarthwyr mae’n dod yn eiddo i'r wladwriaeth, er ei fod yn cynnwys cyfryngau gwariant penodol. Er bod y Loteri Genedlaethol yn ffurf ar hapchwarae a heb amheuaeth wedi’i gwahardd yn Islam, yn ôl egwyddorion Imam Abu Hanifah, Imam Abu Yusuf ac Imam Mohammed, nid yw’r rhai nad ydynt yn Fwslimiaid yn rhwym i Shariah yn eu gwledydd eu hunain. Felly, nid yw dyraniad y wladwriaeth o 28 ceiniog o bob £1 sy’n cael ei gwario wrth brynu tocynnau Loteri yn amodol ar ofynion Shariah. Pan fydd hwn wedyn yn cael ei ddosbarthu i’r hyn a elwir yn ‘achosion da’ nid yw natur waharddol y Loteri yn cael ei gario drwodd i ddyfarnu arian y Loteri. Felly, nid yw wedi’i wahardd mewn egwyddor i sefydliad Islamaidd wneud cais am arian y Loteri…”Alqalam
“Os mai’r Loteri yw’r unig ffynhonnell o arian y mae Cyngor y Celfyddydau yn ei dderbyn, neu’r rhan fwyaf o’i arian, ni chaniateir i chi dderbyn eu cyllid oni bai eich bod yn achos elusennol teilwng, ac Allah sy’n gwybod orau.”Seekers Guidance
Cymdeithas y Cyfeillion (Crynwyr)
Nid oes gan y Cyfeillion gyfres o reolau cyffredinol rhwymol, a mater i bob grŵp (neu “gyfarfod”) yw penderfynu ar bob achos yn ôl ei rinweddau. Cyflwynwyd briff ganddynt yn 2004 yn https://www.quaker.org.uk/documents/quakers-national-lottery-briefing-2004. Maent yn parhau i wrthwynebu hapchwarae mewn egwyddor a byddant yn ceisio dadlau yn ei erbyn lle bynnag y bo modd. Ceir enghraifft o un o’r grwpiau Crynwyr cyntaf i dderbyn cyllid yma, https://www.thirdsector.co.uk/quaker-group-puts-aside-principle-accept-grant/finance/article/657334, a’u dadleuon a’u rhesymau o blaid ac yn erbyn.
Norton Quaker Meeting House (https://www.youtube.com/watch?v=dSiEEG_C3E4)
A Nextdoor Nature film about the Norton Quaker House.
Methodistiaeth
Mae Eglwysi Methodistaidd wedi cael gwneud cais am arian gan y Loteri Genedlaethol ers 1999. Ceir rhagor o wybodaeth yma: https://www.methodist.org.uk/about-us/the-methodist-church/views-of-the-church/the-national-lottery/
Eglwysi’r Bedyddwyr
Mewn egwyddor, mae’r Bedyddwyr yn gwrthwynebu derbyn arian gan y Loteri Genedlaethol. Fodd bynnag, efallai y bydd rhywfaint o dderbyn yn lleol, yn dibynnu ar ddibenion yr arian. Mae nhw'n dweud:
"Sylwer bod Undeb Bedyddwyr Prydain Fawr yn gwrthwynebu'r Loteri Genedlaethol ac felly nid yw'n argymell bod grwpiau eglwysig yn gwneud cais am arian o'r ffynhonnell hon ac ni all gynnig cyngor ar sut i wneud hynny. Fodd bynnag, mae'n bwysig nodi bod elw’r Loteri yn cael ei roi yn aml i nifer o gyrff grantiau a weinyddir yn lleol fel cistiau cymunedol / cronfa plant ac ati.”
Mwy o wybodaeth yn https://www.baptist.org.uk/Publisher/File.aspx?ID=111248&view=browser.
Enwadau Cristnogol Eraill
Mae'r mater yn tueddu i fod yn un ar gyfer Eglwysi a Chynulleidfaoedd unigol. Edrychwch yma https://www.stewardship.org.uk/sites/default/files/2021-05/bp-should-my-church-use-national-lottery-funding.pdf
Iddewiaeth
Nid oes unrhyw waharddiadau penodol yn erbyn hapchwarae. Felly, nid oes unrhyw drafodaethau o blaid nac yn erbyn defnyddio arian y Loteri Genedlaethol, ac mae rhyddid i grwpiau ffydd wneud cais am y cyllid hwn. Dywed y Talmud nad yw hapchwarae yn “cyfrannu at y gymuned” ac felly gellir tybio y dylid ei osgoi, ond nid yw wedi’i wahardd.
“Nid yw loterïau, rafflau ac ati, o’u cynnal at ddibenion elusennol, yn cael eu hystyried yn waharddedig ac mae llawer o enghreifftiau, hanesyddol a chyfredo, o gymunedau Iddewig yn rhedeg loterïau at ddibenion codi arian.” Edrychwch ar https://www.myjewishlearning.com/article/gambling/
Bwdhaeth
Nid oes unrhyw waharddiadau penodol yn erbyn hapchwarae, er bod Bwdhyddion yn cael eu hannog i osgoi dibyniaeth ac mae'r Bwdha yn argymell yn ei erbyn. Fodd bynnag, nid oes unrhyw drafodaethau o blaid nac yn erbyn defnyddio arian y Loteri Genedlaethol, ac mae rhyddid i grwpiau ffydd wneud cais am y cyllid hwn.
Hindwaeth
Nid oes unrhyw waharddiadau penodol yn erbyn hapchwarae er ei fod yn cael ei ystyried yn anghywir i gymryd arian oddi wrth rhywun arall yn y modd hwn. Nid oes unrhyw drafodaethau o blaid nac yn erbyn defnyddio arian y Loteri Genedlaethol, ac mae rhyddid i grwpiau ffydd wneud cais am y cyllid hwn.
The Wildlife Trusts
Have you been part of a community nature project?
We'd love to hear from you! Your experiences will be shared right here on the Community Hub and will inspire others to take action in their own neighbourhoods.
CC by 4.0 attribution
Except where noted and excluding images, company and organisation logos, this work is shared under a Creative Commons Attribution 4.0 (CC BY 4.0) Licence.
Please attribute as: “Nextdoor Nature (2022-2024) by The Wildlife Trusts funded by The National Lottery Heritage Fund, licensed under CC BY 40”
