Share

Peter Cairns/2020VISION

Peter Cairns/2020VISION

Ymddiriedolaethau Natur Cymru: Ein gofynion ar gyfer Etholiadau’r Senedd

Ein gofynion ni


Mae etholiadau nesaf y Senedd yn foment hollbwysig i natur yng Nghymru. Rhaid i'r tymor nesaf (2026-30) gyflawni ymrwymiad Cymru i amddiffyn a rheoli 30% o dir, dŵr croyw a môr yn effeithiol erbyn 2030.

Mae natur yng Nghymru yn dirywio, gydag 1 o bob 5 rhywogaeth yn diflannu - a heb weithredu ar raddfa fawr ac ar gyflymder, bydd y golled hon yn parhau, gan beryglu ein cymunedau, ein hiechyd a'n dyfodol. Ond gyda'r arweinyddiaeth gywir, gall hyn fod yn drobwynt ar gyfer adferiad natur.

Rydym yn galw ar ymgeiswyr i roi natur wrth wraidd gwneud penderfyniadau ac ymrwymo i weithredu dros bobl, natur a'r hinsawdd.

Ein blaenoriaethau ar gyfer ymgeiswyr

Pan gaiff ymgeiswyr eu hethol i'r Senedd, mae camau allweddol y gallant eu cymryd i yrru adferiad natur ledled Cymru. Darllenwch fwy isod.

A wide coastal scene at dusk showing a large flock of terns flying above a bay, with calm water, pebble-covered shore in the foreground, and low green hills in the distance under a clear blue sky.
Blaenoriaeth Un

Creu lle

Gwarchod a rheoli 30% o dir, dŵr croyw a môr yn effeithiol er budd natur erbyn 2030 drwy ddarparu rhwydwaith o ardaloedd gwarchodedig i sicrhau manteision i bobl a natur.
Ross Hoddinott/2020VISION
Blaenoriaeth Dau

Galluogi ffermwyr

Cyflawni Cynllun Ffermio Cynaliadwy sy’n gweithio i bobl, natur a’r hinsawdd drwy ddarparu cyllideb ddigonol ac amlflwyddyn fel bod modd cefnogi pob ffermwr i drawsnewid i arferion adfywiol.
Housing
Blaenoriaeth Tri

Cryfhau cynllunio

Mabwysiadu dull strategol, gofodol o gynllunio seilwaith ar dir ac ar y môr sy’n stopio datblygu mewn safleoedd dynodedig ac ar gynefinoedd nad oes modd eu hadnewyddu ac yn blaenoriaethu atebion sy’n seiliedig ar natur.
Campaign
Blaenoriaeth Pedwar

Cynyddu buddsoddiad

Cynyddu buddsoddiad ac adnoddau drwy ddatgloi cyllid cyhoeddus a phreifat hirdymor ar gyfer adferiad byd natur ar dir ac yn y môr a sicrhau bod pob portffolio gan Lywodraeth Cymru yn cynnwys buddsoddiad pwrpasol mewn atebion sy’n seiliedig ar natur.
A river in Wales, with a wooded hill on the far bank
Blaenoriaeth Pump

Atal llygredd

Cyflawni dull cydlynol, traws-sector o leihau llygredd niweidiol drwy leihau defnydd o blaladdwyr domestig ac amaethyddol ddwy ran o dair o leiaf erbyn 2030 a chryfhau monitro, gorfodi a chosbau am dorri rheolau gan gwmnïau.
wild walk people
Blaenoriaeth Chwech

Bresgripsiynau gwyrdd

Cydnabod a buddsoddi mewn byd natur fel sylfaen iechyd y cyhoedd drwy greu ‘Gwasanaeth Iechyd Naturiol’ Cymru a chyllido mentrau iechyd cymunedol sy’n cefnogi presgripsiynau gwyrdd a chymdeithasol.

Dysgu mwy am Etholiad y Senedd

Paratowch ar gyfer Etholiad y Senedd, a chwifiwch y faner dros natur ym mis Mai.

Darllenwch Faniffesto Ymddiriedolaethau Natur Cymru: Mae Natur yn Hanfodol

Darllenwch yr ymrwymiadau yr hoffem eu gweld gan ymgeiswyr Etholiad y Senedd ym mis Mai.

Sgoriwch eich ymgeiswyr

Hoffem wybod pa mor dda mae eich ymgeiswyr yn gwneud ar bwnc natur a hinsawdd - gallwch roi sgôr boddhad iddynt!

Os ydych chi wedi cael sgwrs neu wedi cwrdd â'ch ymgeiswyr, dewiswch yr wyneb sy'n cynrychioli orau pa mor ddifrifol rydych chi'n teimlo eu bod nhw'n cymryd yr argyfyngau natur a hinsawdd. Gallwch hefyd gynnwys mwy o fanylion a throsolwg o'r wybodaeth a rannwyd ganddynt os ydych chi eisiau.

Byddwn yn diweddaru'r sgôr boddhad cyffredinol yn rheolaidd yn seiliedig ar yr adborth a dderbyniwn.

A yw eich ymgeiswyr yn siarad am gyflwr natur? A yw eu cynlluniau ar gyfer natur a hinsawdd yn gyraeddadwy? A oeddech chi'n fodlon, yn ddifater neu'n anfodlon â'u camau gweithredu dros adferiad natur?

Cwblhewch yr arolwg

 


 

Lawrlwythwch ac argraffwch ein posteri "Mae Natur yn Hanfodol"

Chwifiwch y faner dros natur drwy arddangos ein posteri yn eich cymuned leol. Boed hynny'n ofod cymunedol, eich siop leol neu hyd yn oed ffenestr eich ystafell fyw!

Ffiniau Ymddiriedolaethau Natur Cymru ac Etholaethau'r Senedd 2026

Darllenwch ein blogiau